De artificial tschaikait ver de vicherlontschòft

S heiven se va de temperatur, zaitn va truckenkait ont ausòndern meteorologischen fenomene: de bècksln van bètter sai’ stòrch as de perg alpine balder aa. De auskeareta schon en de balder passiarn òlbe ofters ont s sai’ noat groasa òrbetn ver za leing sa en plòtz.

En de òrbet gamoa’schòft va de alpine region Arge Alp, de zaichen lander as toalmòchen sai’ noch za drauklòffen en projekt. No de guatn rivenòrbetn van projekt as de Schortn va pa’m as òcht gem en klima ver de perg balder van lander van Arge Alp as ist kemmen gamòcht en 2021, vourtrong van Land Tirol, as hòt gem de moglechkait za innsitzn 5.000 pa’m guat ver en klima, as stercher sai’, en de gònze Arge Alp, s ist kemmen u’pfonkt an projekt va follow-up bou as toalmòcht aa de Autonome Provinz va Trea’t pet en Forestal Dinst.

S aupasn kimmp gem en de artificial tschaikait ont en naia tecnologi abia de robot ont de droni. Gèltsgott en sei, de platz as riskiarn barn kemmen tschechen pazaitn ont bider inngasetz dirèkt bou as praucht. Der projekt ver drai jor ist vourtrong van Forestalgrupp van Land Tirol, ont de kostn ver en projekt, as sai’ 100.000 euro, sai regiart van òlla de lander van Arge Alp.

Der u’vong trèff ist kemmen gamòcht kurz ont hòt gòp 20 toalnemmer va de region ont van autonome Provinzn as toalmòchen van òrbetgamoa’schòft.

Ibersetz gamòcht van Sprochtirl va de Tolgamoa’schòft Hoa Valzegu‘ ont Bersntol – La versione in lingua italiana di questo articolo è stata pubblicata nei giorni scorsi qui su UT24