L’IA per la silvicoltura del davegnir
Aument de la temperatures, sutes e fenomenes metereologics fora de anter: i mudamenc climatics i à n gran efet ence sui bosć da mont de la region alpina. Encomai l bosch l vegn danejà bendeché e ge vel n gran lurier per l meter a post.
Tel ambit de la Comunità de lurier de la regions alpines Arge Alp, i diesc teritories membres i é do a ge fèr front a chesta endesfida.Do aer serà su con n bon ejit l projet “Specie arboree rispettose del clima per le foreste montane delle regioni Arge Alp”, metù a jir del 2021 semper dal Land Tirol, con chel che l é stat piantà 5.000 èlbres adaté al clima e donca più forc, te duta l’Arge Alp, l é stat envià via n projet de follow-up a chel che tol pèrt ence la Provinzia autonoma de Trent col Servije Bosć.
Gran emportanza arà l’inteligenza artifizièla e la neva tecnologies, desche robot e drons. Col didament de chisc aparac la arees a risech les vegnarà troèdes fora sobitamenter e se podarà embosćèr ite olache l é più de besegn. L projet de trei egn l é ret dal Grop forestal del Land Tirol, enveze i fons stanzié per l projet, che i é de 100.000 euro, i é a cèria de duc i teritories Arge Alp.
Al event de inaudazion à tout pèrt zirca 20 raprejentanc de la regions e de la Provinzies autonomes che fèsc pèrt de la Comunità de lurier.
Traduzion di Servijes Linguistics e Culturèi del Comun general de Fascia – La versione in lingua italiana di questo articolo è stata pubblicata nei giorni scorsi qui su UT24
