Una Terra… cinque Lingue! – Daniel Zen, Prinz Piscop de Persenon

Te la bela sales del museo ladin de Fascia se pel veder n bel chèder col retrat del Prinz Piscop de Persenon monsignor Daniel Zen da Vich.  Pissèr che da mie paìsc de naa fosse vegnù fora n Prinz Piscop, l’é stat per me na gran marevea. Coscita son jita a chierir sia storia.

Daniel Zen l’é nasciù ja Vich ai 11 de november del 1584, l’era l prum fi de Piere Zen de Gabriel da Tieser e Orsela de Daniel da Vich che i aea etres doi fies Gabriel e Ana.  Père Frumenzio scrif che Daniel più che fazile l’à emparà a lejer e scriver da sie père che l saea, lejer, scriver e fèr conts. L scrivea letres desche se l fossa stat n avocat.  Daniel de gra a n “stipendium” del Piscop de Persenon l’à podù jir a studièr da preve dai Pèresc Gejuic  a Dillingen n Germania. L’à fat studies de filosofìa seré su co la lauda e  ai 2 de setember del 1609 l’à fenì i studies  col dotorat n Sacra teologìa. L’é stat ordenà preve ai 5 de jugn del 1610 e l’à dit Messa Noela a Seefeld n Tirol ai 15 de messèl del 1610.

Del 1611, jon preve, l’à compagnà i  enciarié del Piscop de Persenon  fora per duta la valèda ladines donca ence te Fascia sia val de naa.  Ti libres se troa scrit che Don Daniel Zen l’era de bon cher,  valent,  da fondament,  diplomatich  e  brao de perdicèr. Del 1612 l’é stat enciarià Canonich del Dom de Persenon, dapò, Canonich de Passavia e Breslavia, capelan d’onor de l’arziduca Carlo d’Austria,  conseier de l’arziduca Leopoldo Cont del Tirol e di emperadores Mattia e Ferdinando de Asburgo.

Del 1613 l’é stat chiamà a perdicèr a Dispruch. Al scutèr l’era ence l’emperadora Anna, la é restèda dassen maraveèda e sobito l l’à chiamà a Vienna desche capelan de Cort. Del 1615 l’é stat nominà piovan e decan de Krems sul Danubio. Alò  l’à ciapà recognosciments, per esser stat n bon preve che à fat jerver endò la fe cristièna te na zità béleche deldut  protestante e per aer fat su la neva gejia dedichèda a sen Vit che vèrda via ence la comunanza de Vich sie paìsc de naa.

Ai 3 de otober del  1627 canche l’aea demò 43 egn l’é stat consacrà  Piscop de Persenon,  ai 14  de firé del  1628 l’à ciapà la regalies imperiales, donca l’é doventà Prinz de l’Imper. Con encresciment l’à corì chesta encèria per dassen pech temp, ajache l se à malà e l’é mort ai 24 de setember del 1628.

Endèna sie curt episcopat, con gran encresciment, l se à troà ence a cogner prozessèr femenes da Vich che l’aea  cognosciù da joen cusèdes de esser stries.  L’aessa ence volù smaorèr l seminarie de Persenon per ge dèr  l met a più joegn de studièr ma no l’à abù l temp de endrezèr via chest ensomech,  aboncont l’à lascià desche ritajon “stipendium” a la leta per students fascegn.

A nos, apede ai documents,  l’é ruà  l bel retrat de posses de la  Pieif de Sen Jan e n auter che l’é la stampa Kilian-Reichle  de posses de la “Herzog August Bibliothek”.  Da chesta doi operes i storics lejan i dessegnes i ne deida a entener che preve, piscop  e om che l’era.  La rejonèda per sie troi de Piscop l’é stat chesta: “Non dorma il Custode” , la  recorda  n pas de n  salm e la ne disc che l’era n muie ascort. Per chest sun sia fossa,  che se troa te l clauster del  Dom de Persenon, l’é stat scrit “Daniel Zen Principi Vigilantissimo”.  L’é dapò n aucia co na giama uzèda che rec n sas e ence chest à segnificat de  sie esser ascort.

Per entener i dessegnes che l’é sun sie retrat consee de lejer l scrit del professor Cesare Bernard publicà sun Mondo Ladino nr.40 del 2016. Sul chèder se veit na mitria e n pastoral de gran parbuda, luré fora de fin n muie bel e chisc l’é da semper i segnes di piscopes. Sul retrat, Daniel Zen l’à te man n liber segn de om de cultura e  vejin a la man l’é n picol ciampanel.  Chest pel aer desvalives segnificac, fé e vocazion, ampò l pel esser let ence desche segn de sia  pascion per la musega ajache  ge saea bel sonèr e l’à scrit ence partidures.

Dapò l’é l blason. L se trata de n scudo de arjent con na fascia rossa olache l’é dessegnà trei steiles de or, sora e sot la fascia l’é doi ègues con doi ceves e les é de color checen. L’é scrit che tant i dessegnes che  i colores, bianch e ros, recorda  l Tirol.

Daniel Zen l’é stat l soul Prinz Piscop che à abù la val de Fascia e la Ladinia!

Chestes l’é demò picola fregoles de storia,  n muie de più se pel lejer te desvaliva publicazions.  L’é i scric de Père Frumenzio Ghetta che conta la vita de Daniel Zen, de sia familia, de la comunanza de Fascia de enlouta e del fort leam  che l’era col prinzipat de Persenon. Su Mondo Ladino del 2016  se pel lejer i scric de Italo Giordani n cont a la familia Zen, chi de Enrica Vinante sul restaure del retrat e chi del professor Cesare Bernard co la marevees di dessegnes e segnes del Piscop.

Volesse ence conseèr de lejer l “romanzo” de Fabio Chiocchetti “I misteri del Cjaslir” n liber che ne ciapa sobito e ne porta  te la vita e l mondo del Piscop Daniel Zen.

Envìe ence duc a jir a veder nosc bel museo ladin de Fascia che l’é na picola pèrla de noscia val. Apede al retrat del Prinz Piscop fascian  troon  noscia storia de fascegn e ladins. Fenì de vardèr fora l museo podon jir sa Vich a veder la cèsa olache l’é nasciù Daniel Zen e olache anchecondì l’é l’ostarìa che porta apontin sie inom.

Bibliografia:

“Mondo Ladino 2016” – Istitut Cultural Ladin de Fascia

Daniel Zen – Vescof de Persenon – Père Frumenzio Ghetta – Mondo Ladino 1984

“I Misteri del Cjaslir – storia di un santo vescovo e di una presunta strega” – Fabio Chiocchetti

“Nosta jent – persones e personalitèdes de la Ladinia”  – Union Generèla di Ladins de la Dolomites.

Al museo ladino di Fassa è esposto un quadro con il ritratto del Principe Vescovo di Bressanone, monsignor Daniel Zen di Vigo di Fassa.  Mi piace pensare che il mio paese ha dato i natali ad un Principe Vescovo.  Tutto questo mi ha profondamente meravigliata e mi ha spinto a cercare altre informazioni.

Daniel Zen è nato a Vigo di Fassa l’undici novembre 1584, era il primo figlio di Pietro Zen fu Gabriele e Orsola fu Daniel di Vigo che avevano altri due figli, Gabriele e Anna.  Lo storico fassano Padre Frumenzio Ghetta scrive che probabilmente Daniel imparò a leggere e scrivere da suo padre. Il padre Pietro scriveva lettere di contenuto e forma pari ad un avvocato.

Daniel grazie ad una borsa di studio messa a disposizione dal Vescovo di Bressanone, ebbe la possibilità di studiare per diventare sacerdote presso i Gesuiti a Dilligen in Germania. Effettuati i corsi di filosofia conclusi con lode, nel 1609 conseguì il dottorato in Sacra teologia. Fu consacrato sacerdote il 5 giugno 1610 e celebrò la sua prima Messa a Seefeld in Tirolo il 15 luglio 1610.

Nel 1611, novello sacerdote, accompagnò i delegati vescovili in visita nelle valli ladine e quindi anche in Fassa sua valle natia.   Di Don Daniel Zen troviamo scritto che era retto, buono, generoso, grande diplomatico ed eccellente predicatore. Nel 1612 ricevette l’incarico di Canonico del Duomo di Bressanone, Canonico di Passavia e Breslavia, Cappellano d’onore dell’arciduca Carlo D’Austria, consigliere dell’Arciduca Leopoldo Conte del Tirolo, nonché degli imperatori Mattia e Ferdinando d’Asburgo.

Nel 1613 fu chiamato a predicare ad Innsbruck. In quell’occasione l’imperatrice Anna, ascoltando il suo sermone, rimase piacevolmente stupita e lo volle subito a Vienna come cappellano di corte.  Nel 1615 fu nominato pievano e decano della città di Krems sul Danubio, dove ricevette riconoscimenti sia per il suo operato spirituale che come amministratore.  Fu ricordato per la sua bontà d’animo e perché fece rifiorire la fede cristiana cattolica in una città quasi completamente protestante.   Ricevette anche un riconoscimento per le sue doti imprenditoriali giacché fece costruire la cattedrale dedicata a San Vito, il quale è anche il patrono di Vigo di Fassa suo paese natale.

Il 3 ottobre 1627 a soli 43 anni fu consacrato Vescovo di Bressanone, mentre il 14 febbraio 1628 ricevette le regalie imperiali divenendo Principe Vescovo. Purtroppo ricoprì questo incarico per pochissimo tempo, dopo la sua consacrazione ben presto si ammalò e morì il 24 settembre 1628.

Nel suo brevissimo episcopato fu coinvolto nei processi alle streghe e si trovò suo malgrado a dover processare donne di Fassa che aveva conosciuto nella sua gioventù.  Avrebbe voluto ampliare il seminario di Bressanone per dare la possibilità a più giovani di studiare ma non ebbe il tempo per realizzare questo sogno, in compenso alla sua morte lasciò dei fondi in denaro per gli studi di giovani fassani.

A noi sono arrivati due ritratti, uno che è di proprietà della parrocchia di San Giovanni Battista di Vigo di Fassa e l’altro è la stampa Kilian-Reichle  di proprietà della “Herzog August Bibliothek”.   Dai simboli presenti in questi due ritratti si può dedurre di quale spessore fosse il sacerdote,  il vescovo nonché uomo Daniel Zen.  Il suo motto episcopale fu “Non dorma il custode” che è una frase di un salmo, questo ci dice che il Vescovo Zen era sempre molto attento e vigile.

Nella lapide funeraria, che si trova nel chiostro del Duomo di Bressanone, si legge “Daniel Zen Principi Vigilantissimo”.  Nel monumento è scolpita una gru con un sasso nella zampa sempre simbolo di vigilanza.

Per capire gli emblemi di questi due ritratti consiglio di leggere i documenti del Professor Cesare Bernard pubblicati nella rivista dell’Istituto Culturale Ladino di Fassa “Mondo Ladino  2016”. Nel quadro si possono ammirare, finemente lavorati, i segni episcopali della mitra e del pastorale. Nel ritratto Daniel Zen, come motivo di cultura, ha nella mano un libro ed inoltre un campanellino.  Il campanellino può essere interpretato in molti modi, fede e vocazione, ma  anche come un segno musicale in quanto al Vescovo piaceva la musica, dilettandosi a comporre e suonare. Poi c’è lo stemma personale. Si tratta di uno scudo argentato con una fascia rossa dove spiccano 3 stelle dorate, sopra e sotto la fascia ci sono le aquile bicipiti di colore rosso. Si legge nei libri che questi simboli e colori (bianco e rosso) ricordano la contea Tirolese.

Daniel Zen è il solo ed unico Principe Vescovo della val di Fassa e di tutta la Ladinia.

Queste sono solo alcune informazioni che ho ricavato dai libri nei quali si può leggere molto di più. Padre Frumenzio Ghetta, storico fassano,  accompagna il lettore a conoscere la vita di Daniel Zen e della sua famiglia. Grande importanza viene data inoltre alla figura paterna, alla vita della comunità di Fassa ed al legame con il principato vescovile di Bressanone. Nella Rivista Mondo ladino 2016 si possono leggere gli articoli di Italo Giordani relative alla famiglia Zen,  di Enrica Vinante sulle  fasi del restauro del ritratto e del professor Cesare Bernard  sui simboli  e i loro significati. Vorrei anche consigliare la lettura del romanzo di Fabio Chiocchetti “I misteri del Cjaslir – storia di un santo vescovo e di una presunta strega”.  Il romanzo avvincente nella vita e nel mondo del Principe Vescovo Daniel Zen.

Infine invito tutti a visitare il museo ladino di Fassa, una perla nella nostra piccola val di Fassa. Potrete ammirare il bel quadro del Principe Vescovo e conoscere la storia della nostra piccola comunità Ladina Fassana. Finita la visita al museo, potrete recarvi a Vigo di Fassa a vedere la casa natale del Vescovo. La stessa si trova dove attualmente c’è il ristorante Daniel Zen, in onore appunto del nostro vescovo.

Bibliografia

 Mondo Ladino 2016 – Istituto Culturale Ladino di Fassa

Daniel Zen – Vescof de Persenon – Padre Frumenzio Ghetta – Mondo Ladino 1984

I Misteri del Cjaslir – storia di un santo vescovo e di una presunta strega – Fabio Chiocchetti

Nosta jent – personalità della Ladinia  – Union Generèla di Ladins de la Dolomites.