Una Terra…cinque lingue! – L piotol

“Ahi!!! Che mèl!!! No me dèr peèdes!!!”
Lis se à vardà dintorn a veder chi che aea rejonà ma no la vedea nesciugn. La era dò a se fèr cater veresc enlengia l bosch e ge saea coscita bel ge dèr peèdes i piotoi. Apontin la tol su n piotol, la fèsc per l trèr n aria e ge dèr na peèda. Fora de n bel nia la sent “Eh na ades bèsta!!! Vèrdeme son ge che te rejone son l piotol che te es te man”.

Lis sperduda l l’à lascià sutèr ja bas.

“Ahia che paca endò … Scouta picola ja acà n an chel gran vent l ne à scinternà de cà e de là. L’é ruà ence la neif mola che à crepà la pontes di èlbres e i rames, sion suté ja bas rutolan , sion duc piens de paches, lascene mìngol n pèsc e scouta chel che aon da te contèr!!”  Lis pissèa de se ensomeèr, i piotoi no rejonèa ma picola ousc da ite de ela ge dijea “Sentete ju e scouta”. “Ben” l’à dit adaut speran che no passe nesciugn e la ciape per una mìngol sonèda, “pèrla che te scoute!”  Lis se à sentà sun n bel ciuch e l’à scutà!

L piotol, zenza bazilèr, stolz che zacan zachei l scutèa l’à scomenzà a contèr.
“Lis, ge te veide passèr a man a man sun chest vièl, te te encantes a vardèr la crepes, l ciel, l bosch, i èlbres e i fiores. Te scoutes i ucìe, te sa bel ence chel vent lijier che somea che l conte zis bela contìes.  Anché volesse ge te contèr vèlch de nos piotoi.

Ge son n piotol de pec e desche i etres mie jormegn piotoi de lèrsc, baranchie, zirm e pin, seron ite la vita del bosch. Sot noscia scaes se scon tanta picola semenzes, d’istà l soreie ne sia e se nos averjon, la semenzes sauta fora e portèdes dal vent les sgola ence n muie dalènc. Se les sauta te n bon teren les met reisc e vegn sun n nef e bel piantin. Nos piotoi sion i scrignes de la neva vita del bosch!! Peissa che gran valuta che à la semenzes che nos vardon via soraldut dò che l’é stat chel gran tormen de vent che à derejà chel grumon de piantes.

Ma nos sion pa ence bie da veder.
L piotol del lèrsc l nasc desche n bel fior, canche spizola l’aisciuda e vegn fora la pruma verda larjines, forin som i rames te pes veder n picol piotol de color ros, l’é maraveous, l’é n miracol de la natura.

E l piotol del zirm? L broudol???
Ben ence chel l’é n spetacol, d’istà canche no l’é amò madur de fora l’à n color béleche brunic, l’é pien de goces de reja che i raes del soreie fèsc sgalizèr desche perles! Da ite enveze l’é bianch co na vena rossicia, i omin l doura a fèr na zis bona sgnapa che la deida a parèr ju la marena.  Te sentisses che bon odor da mont e de bosch. D’uton l’é tant bel jir a coer su broudoi!

Sot la scaes i scon n picol melaur, de bona nicioles.
Sèste che bel che l’é, canche vegn ju la sera, stèr te cèsa da fech, senté sun cassa da la legna apede ju l sporert bon ciaut a fèr vila magnan nicioles? L’é moments che sciauda ite l cher. Dapò, nos sion ence chi che fornesc i èlbres, i fiores fèsc maraveous n pra, i piotoi fèsc più bie i èlbres.

Vèlch outa sot noscia scaes se encèsa la picola bestioles del bosch e sion n muie chierì da la schieratoles che les ne fèsc dassen grignèr. Les é curiouses, les cogn ge vardèr a duc chi che passa, les é asveltes desche tizes, no te fès n temp a les veder che les é ja sun som n èlber. L’é dassen n muie bel ge vardèr canche les bina su piotoi per i portèr te si sconadoi! Les tegn l piotol, che l’é béleche più gran che eles, co la bocia e con sia picola ciates les se rampeea desche tizes su per l’èlber enscin te sie picol cougol. Les magna fora la semenzes o la bestioles che les troa dai te e dapò, bela teises les se fèsc n pisol. La schieratoles les é dalbon paruscentes.

Ades per fenir te conte ence n mie picol recort.

N’outa zacan l’era na veiata soula , no la era bona de jir a legna o a rames, i omin del paìsc i ge n portèa ben ma l’aea semper poura de no ruèr a tegnir fora dut l’invern. Emben d’uton, duc i dis la se tolea n picol ceston e la vegnìa chiò a tor su piotoi. Dò la se n jia a cèsa e la tizèa te muscia o te sporert. Nos siane duc contenc de poder donèr mìngol de ciaut a chesta pera giava. Donèr vèlch ai etres fèsc più ben a chi che dona che a chi che ciapa.  Tegnelo semper a ment!!

Ades te salude, detelpai Lis de me aer scutà!”
Lis à trat n saut a sentir sie inom, la se aea encantà a vardèr l ciel, la crepes e l bosch. Ge saea ben che zachei aesse rejonà ma no podea esser de segur chel piotol che l’aea te man, fosc l’era stat l vent che ge scatornèa i ciavei?  Na no podea esser, nence l vent no à mai rejonà! Fosc l’era stat n ensomech. Aboncont ge aea sapù bel stèr aló sentèda sun chel ciuch a scutèr chela contìa. De segur no la podea ge dir a zachei che n piotol ge aea rejonà, i ge aessa dit che la é sonèda patoch!! Ma de chest, desche semper, la n’aea n bel festidech!!!

Con fèr delicat l’à pojà ja bas l piotol che l’aea te man, la se à vardà dintorn che no sie nesciugn, la ge à fat na picola aicia e la ge à dit “ Staben!! Rencurete! A n autra outa”. L piotol à fat na routola e na picola semenza é sluzièda fora da sot na scaa. Lis à tout su la semenza, la é jita a cèsa e l l’à metuda te sie scrign di recorc.

“Ahia!!! Che dolore!!! Non darmi calci !!!”
Lis si guardò attorno per capire chi aveva parlato ma non c’èra nessuno. Stava passeggiando al margine del bosco e si divertiv a dare calci alle pigne. Stava raccogliendo una pigna per lanciarla in aria e calciarla. All’improvviso sentì “ Eh no adesso basta calci!!! Guardami sono io che ti parlo, sono la pigna che hai in mano.” Lis spaventata lasciò cadere la pigna!

“Ahia che botta!! Senti piccola, già un anno fa il gran vento ci ha sbattuto di qua e di là.
E’ anche arrivata la neve bagnata che ha abbattuto le cime degli alberi e ha spezzato i rami, siamo cadute a terra rotolando, siamo piene di ammaccature, lasciaci un po’ in pace e ascolta quello che abbiamo da raccontarti!”

Lis pensava di sognare, le pigne non avevano mai parlato, ma una vocina dentro di lei le diceva “Siediti e ascolta”  “Bene,” disse Lis a voce alta sperando che non passasse nessuno e la considerasse  un po’ matta, “ parla che ti ascolto”.
Lis si sedette su di un bel ceppo e ascoltò. La pigna, senza farselo ripetere due volte, molto orgogliosa che qualcuno finalmente l’ascoltasse,  iniziò a raccontare.

“Lis tu passi molte volte su questo sentiero, ti fermi incantata a guardare il cielo, le montagne, il bosco, gli alberi, i fiori.  Ascolti il cinguettio degli uccellini, ti piace anche quella leggera brezza che sembra raccontare le belle leggende. Oggi vorrei raccontarti qualcosa di noi pigne. Io sono una pigna di abete e come le mie cugine pigne di larice, pino mugo, cirmolo e pino, racchiudiamo la vita del bosco. Sotto le nostre squame si nascondono tante piccole sementi, in estate il sole ci asciuga e noi ci apriamo, i semi escono e portati dal vento volano anche molto lontano. Se cadono in buon terreno mettono radici e nasce un nuovo alberello.

Noi siamo le custodi della nuova vita del bosco.
Pensa quale importanza hanno i semi che noi custodiamo, soprattutto dopo i danni provocati dal forte vento che ha sradicato tantissimi alberi.

Ma siamo anche belle!!

La pigna del larice nasce come un bellissimo fiore, appena accenna la primavera l’albero si ricopre di verdi teneri aghi e alla sommità dei rami vedrai delle piccole pigne di colore rosso, sono meravigliose, è un miracolo della natura.

E le pigne del cirmolo?
Anche queste sono uno spettacolo, l’estate quando non sono ancora mature hanno un colore quasi bluastro, sono ricoperte di gocce di resina ed i raggi del sole le fanno luccicare come perle.
All’interno invece sono bianche con una vena rossastra, gli uomini le raccolgono per farne una buonissima grappa digestiva che profuma di bosco e di montagna.  In autunno è veramente bello raccogliere le pigne di cirmolo mature perché sotto le squame si nasconde un tesoro, tanti buonissimi pinoli. Sai com’è bello chiacchierare alla sera, seduti in cucina sulla panca della legna vicino alla stufa, sgranocchiano pinoli? Sono momenti che riscaldano il cuore.

Noi pigne siamo anche gli addobbi degli alberi, i fiori rendono meravigliosi i prati, le pigne abbelliscono gli alberi!!  Qualche volta le nostre squame si trasformano in casette per gli insetti del bosco e siamo molto ricercate dagli scoiattoli che ci fanno veramente divertire. Sono curiosi, osservano tutte le persone che passano, sono velocissimi, non fai in tempo a vederli che già sono in cima ad un albero. E’ bellissimo osservarli mentre raccolgono le pigne per portarle nei loro nascondigli.  Afferrano la pigna che è quasi più grande di loro con la bocca e con le loro piccole zampette risalgono velocissimi gli alberi fino alle loro piccole tane. Mangiano le sementi e gli insetti che ci sono nelle pigne, quindi soddisfatti schiacciano un pisolino. Sono davvero simpatici.

Adesso per finire ti racconto un mio ricordo.
Un tempo c’era una povera vecchietta, non riusciva a prepararsi la legna per l’inverno ed allora gli uomini gliela portavano.  Ma lei aveva paura di non averne abbastanza. Tutti giorni con una piccola gerla passava su questo sentiero e raccoglieva le pigne, tornata a casa accendeva la stufa ed il focolare . Noi eravamo tutte contente di poter donare un po’ di caldo a questa cara nonna. Poter donare qualcosa agli altri ti fa star bene, ricevi di più di quello che doni! Ricordalo sempre!!!

Adesso devo salutarti!!! Grazie Lis di avermi ascoltato!!”

Lis sentendo il suo nome trasal’  come se si fosse svegliata da un sogno, era rimasta affascinata dal cielo, dalle montagne e dal bosco.  Le  parve che qualcuno avesse parlato ma sicuramente non era stata la pigna che aveva in mano forse era stato il vento che le scompigliava i capelli?  No impossibile, nemmeno il vento parlava. Forse era stato un bel sogno! Comunque era stato bello stare seduta su quel ceppo ad ascoltare quel racconto. Non avrebbe mai potuto dire a nessuno che una pigna le aveva parlato, l’avrebbero presa per una picchiatella!! Ma a lei questo non importava!! Come sempre del resto!!!

Con gentilezza posò la pigna in terra guardandosi attorno che non ci sia nessuno, la accarezzò e la salutò dicendo “ Arrivederci!! Abbi cura di te!” La pigna fece una giravolta e da sotto le sue squame uscì un semino. Lis lo raccolse e tornata a casa lo ripose nel suo scrigno dei ricordi.